اهازيج فلسطينيه

من طرف ابن الخليل الأربعاء ديسمبر 31, 2008 4:39 am

دلعونا
لمّا لِلفَنِّ الشّعْبي غَنِّينا

قصدْنا تانحيي ترابِ فلسطينا

حُبِّك يا بلادي صارِ يغذِّينا

بأجمَل أغاني على دلْعونا

وحُبِّي للوطن راسخ بقلْبي

بالدَّمِّ الغالي فرشنا الدَّربِ

لأجل تحريرِك يا فلسطينا

يا ثورَة مِدِّي يا ثورة مِدِّي

لتحريرِ الوطَن يلله استعدِّي

شِبلِ منِ أشبالِكْ باطناشرْ جُنْدي

أما المجاهد اطناشَرْ دزِّينا

وبكمائن ما بنهادِنْ

جيشِ الغادِر للمَمات

وبالكرامةِ رفعتِ اعلامي

وفوق اعلامي إلرَّاياتْ

ويا مجاهد يا ابن بلادي

على الجوادِ اعمَلْ جولاتْ

وباسِمْ فِرقتنا لابعث تحيِّة

يابا لكُفُرْ شُوبا والهَبّاريِّة

ومُخيَّم صبرا والرَّسيديّة

الرَّشاشِ بيحمي غُصْنِ الزَّيْتونا

غَرْبيِّ النّهِر دخلْتْ دَوْريِّة

ضمّت مجموعة فلسطينية

دمّر دبابة مع خمسميّة

أمّا الخسارة اطناشرْ صهيُونا

ربِّي هالفرقة بعونَك خلِّيها،

خلِّي الدَّبيكة والغنّا فيها

ثورة شعبنا ربِّي يحميها،

وينْصُر ثورتنا عَ اللي يعادُونا.

يا شبل الثّورة قُودِ الدَّبابة

من نهرِ الأردن حتّى عرَّابة

وإهجِم عَ العِدا فُوقِ الرَّوابي،

وع قُومِ النّذِلْ إبن صهيونا

شعبي للوطن قدَّم هدية

الرُّوح العزيزة لأجل القضيِّة

لا يُمكن نرضى بالصِّهيُونيّة

على تُرابِك أرضِ الزَّيتونا

سلاحنا بيدينا هذا أمانة

وحتّى نحرِّرك كلِّ الأوطانِ

وما في بشعبنا واحد جبان

يسَلِّم سلاحُه لو كان مجنونا

من طرف زهر النرجس الخميس يناير 01, 2009 1:24 am

هذه الاغاني بتمثل تراثنا وتاريخنا
شكرا الك
تقبل مروري
زهر النرجس

من طرف سبايدراليماني الخميس مارس 26, 2009 8:04 am

شكرااااااااااااا لك ابن الخليل على جهوووودك الرائعة تقبل مروووررررري سبايدر اليماني

اهازيج فلسطينيه

اهازيج فلسطينيه

شكر

رد: اهازيج فلسطينيه