قصيده للشاعر العربي عمر الفرا

~كل ليلة حين أتذكرك~

كل ليلة ...حين أتذكرك
يجري معي الما مر معك
من غير ارادة أرتعش
طير بمطر صاده شرك
يختل توازن هالفكر
دوامة تسرح بالفلك
تتزاحم براسي الصور
جسمي انتهى وروحي بسفر
ورعشة برد
فوق الجلد
تحت الجلد يسري الخدر
يراودني ساعتها النعس
ما هو نعس
مثل النعس
يتسارع بصدري النفس
حتى النفس...غير النفس
مدري وش اللي يصير
ما الها أي تفسير
أشعر كأني بجب نمل
يخدّر العصب تخدير
وقلبي بألف دقة يدق
حاول يريد يطير
علا ارتفع....وحين ارتفع
حبل انقطع...أسمع ...سمع
صوت الدلو بلحظة فزع
وصل لقاع البير
* * * * * * * * *
حاول معي ...تفسر معي
فقد الوعي
يلي سكنت بمدمعي
حاضر وغايب للأبد
عايش معي
حاول معي يلي بالوما
تجاوب قبل ما اسألك
علمني يلي صرت أحب الدنيا لجلك
يلي ما شافت عيوني
ولانجمة الزهرة مثلك
يلي خضرت الحياة
الكل عمرها صحرا قبلك
يلي تعبر يالخلايا
بكل خلية تنسى ظلك
علمني ..قلي..لوخطرلي
إني أروي الّي حصل لي
كيف أفكر...كيف أصوّر
كيف أعبّر...كيف أقلك يا حبيبي
كيف أقلك
أول اسم يخطر عبالي.. حفظته اسمك
أول رسم مر بخيالي...عشقته رسمك
أول علم حير سؤالي ...عرفته علمك
من خلالك صرت احس الدنيا أكبر
من خلالك إكتشفت الفكرة مجهر
عيونك بكشف الخفايا
تؤمر بدائي وشفايا
ذلي عندك كبرياء
ونظرة منك لي كفاية
الدنيا لما غربتنا
جينا لديارك لفايا
من عشقنا ومن خجلنا
نمشي عدروبك حفايا
أشعر اللذة بعذابك
ألقى وصلك من غيابك
كلما تبعدني عني
ترتهن روحي ع بابك
عمري ثاني ...موتي لجلك
والصبر شهد بشرابك
لو منعت المية عني
أرتوي بلمحة سرابك
الدنيا معناها وجودك
لا وجود الا بوجودك
يعبر بشرياني حبك
للأبد أنطر وعودك
إنت مبدع...إنت ساحر
إنت صادق...إنت طاهر
إنت ساكن ..إنت عابر
إنت راوي ...إنت شاعر
بكل قصيدة.... بكل رواية
بأي سهرة ....بأي حكاية
بالبداية..........بالنهاية
بأي شي يخطر لخاطر
تنفرد بيك البطولة
إنت أول يا حبيبي
وإنت آخر

للشاعر عمر الفرا

شكر على القصيده الرائعه جدا جدا للشاعر السوري الكبير عمر الفرا شكرا